9 as onbekendes en tog goed bekend, as sterwendes en kyk, ons lewe, as getugtig en tog nie gedood nie;
10 as bedroefdes, maar altyd opgeruimd; as armes, maar wat baie ander ryk maak; as mense wat niks het nie en tog alles besit.
11 ONS mond het teenoor julle oopgegaan, Korinthiërs, ons hart het verruim geword.
12 Nie in ons het julle dit te nou nie, maar in jul binneste het julle dit te nou.
13 Maar by wyse van vergoeding — ek praat soos met kinders — moet julle ook verruim word.
14 Moenie in dieselfde juk trek saam met ongelowiges nie, want watter deelgenootskap het die geregtigheid met die ongeregtigheid, en watter gemeenskap het die lig met die duisternis?
15 En watter ooreenstemming het Christus met Bélial, of watter aandeel het die gelowige met die ongelowige?