8 Let op, o onverstandiges onder die volk, en julle dwase, wanneer sal julle verstandig word?
9 Sou Hy wat die oor plant, nie hoor nie, of Hy wat die oog formeer, nie sien nie?
10 Sou Hy wat die nasies tugtig, nie straf nie — Hy wat die mens kennis leer?
11 Die Here ken die gedagtes van die mense — dat hulle nietigheid is.
12 Welgeluksalig is die man, o Here, wat U onderrig en wat U leer uit u wet,
13 om hom rus te gee van die dae van teëspoed, totdat die kuil vir die goddelose gegrawe word.
14 Want die Here sal sy volk nie verwerp en sal sy erfdeel nie verlaat nie;