4 Dit is die klere wat hulle vir hom moet maak: ’n borssak, ’n skouer-kleed, ’n oorkleed, ’n rok met ’n soom, ’n tulband en ’n skouer-serp. Hulle moet hierdie gewyde klere maak vir jou broer Aäron en vir sy seuns sodat hulle priesters kan wees vir My.”
5 Die Here het vir Moses gesê: “Die kleremakers moet goud gebruik, en blou, pers en rooi wol-materiaal en linne-materiaal.
6 Hulle moet die skouer-kleed daarvan maak.
7 Daar moet twee skouerbande wees aan die punte van die skouer-kleed sodat hulle die skouer-kleed daarmee kan vasmaak.
8 Die skouer-kleed moet ook ’n belt hê om dit om die priester se middellyf vas te maak. Hulle moet die belt van dieselfde materiaal maak, van goud, van blou, pers en rooi wol-materiaal en van goeie linne-materiaal.
9 Julle moet oniks neem en julle moet die name van Jakob se seuns daarop skryf.
10 Skryf ses name op een klip en die ses ander name op ’n ander klip. Skryf die oudste seun se naam eerste, daarna die ander name tot by die jongste seun.