19 “Ek sal ’n teken vir hulle gee, en Ek sal party van hulle wat oorgebly het, stuur na die volke wat ver is en wat nog nie gehoor het van My nie, die volke wat nie weet dat Ek God is nie. Hulle sal vir die mense van die lande Tarsis en Pul vertel dat Ek God is, ook vir die mense van Lud wat so goed met ’n pyl en boog kan skiet, en ook vir die mense van Tubal en Griekeland.
20 Hulle sal julle familie bring uit al die volke. Hulle sal kom op perde en oorlogkarre en dra-stoele en muile en kamele. Hulle sal kom na my gewyde berg, na Jerusalem. Hulle sal ’n present vir My wees, soos die koring-offer wat die Israeliete na die tempel bring in ’n rein skottel.
21 Ek sal party van hulle kies om my priesters en Leviete te wees.” Dit sê die Here.
22 Die Here sê ook: “Julle nageslag en julle naam sal altyd by My wees, soos die nuwe hemel en die nuwe aarde wat Ek sal maak.
23 Al die mense sal elke Nuwemaan-fees en elke Sabbatdag kom om voor My te buig.
24 Wanneer hulle weer uit die stad gaan, dan sal hulle die lyke sien van die mense wat opstandig was teen My. Die wurms sal aanhou om die lyke te vreet, en die vuur sal aanhou om hulle te brand. Almal wat hulle sien, sal bewe en bang wees.”