14 “As julle ’n voël bring as brandoffer vir die Here, kies ’n tortelduif of ’n jong duif.
15 Die priester sal die voël na die altaar toe neem, sy nek omdraai en die kop op die altaar verbrand. Hy moet dan die bloed langs die kante van die altaar laat uitdrup.
16 Die priester moet daarna die krop en die vere verwyder en dit aan die oostekant van die altaar in die as gooi.
17 Die priester moet dan die voël aan sy vlerke uitmekaartrek, maar sonder om dit middeldeur te skeur. Dit is die brandoffer, gemaak met vuur en aangenaam vir die Here.”