4 Gitigom niya ang mga anak ni Aaron ug ang mga sakop sa banay ni Levi.
5 Ang mga Levita nga miabot mao ang mosunod: sa mga kaliwat ni Kohat, 120 ka tawo ubos sa pagdumala ni Uriel;
6 sa mga kaliwat ni Merari, 220 ka tawo ubos sa pagdumala ni Asias;
7 sa mga kaliwat ni Gerson, 130 ka tawo ubos sa pagdumala ni Joel;
8 sa mga kaliwat ni Elisafan, 200 ka tawo ubos sa pagdumala ni Semaias;
9 sa mga kaliwat ni Hebron, 80 ka tawo ubos sa pagdumala ni Eliel;
10 sa mga kaliwat ni Uziel, 112 ka tawo ubos sa pagdumala ni Aminadab.