7 Ofn yr Arglwydd yw dechreuad gwybodaeth: ond ffyliaid a ddiystyrant ddoethineb ac addysg.
8 Fy mab, gwrando addysg dy dad, ac nac ymado â chyfraith dy fam:
9 Canys cynnydd gras a fyddant hwy i'th ben, a chadwyni am dy wddf di.
10 Fy mab, os pechaduriaid a'th ddenant, na chytuna.
11 Os dywedant, Tyred gyda ni, cynllwynwn am waed, ymguddiwn yn erbyn y gwirion yn ddiachos:
12 Llyncwn hwy yn fyw, fel y bedd; ac yn gyfan, fel rhai yn disgyn i'r pydew:
13 Nyni a gawn bob cyfoeth gwerthfawr, nyni a lanwn ein tai ag ysbail: