10 Y neb a amneidio â'i lygaid, a bair flinder: a'r ffôl ei wefusau a gwymp.
11 Ffynnon bywyd yw genau y cyfiawn: ond trawsedd a gae ar enau y drygionus.
12 Casineb a gyfyd gynhennau: ond cariad a guddia bob camwedd.
13 Yng ngwefusau y synhwyrol y ceir doethineb: ond gwialen a weddai i gefn yr angall.
14 Y doethion a ystoriant wybodaeth: ond dinistr sydd gyfagos i enau y ffôl.
15 Cyfoeth y cyfoethog yw dinas ei gadernid ef: ond dinistr y tlodion yw eu tlodi.
16 Gwaith y cyfiawn a dynn at fywyd: ond ffrwyth y drygionus tuag at bechod.