29 Felly y digiasant ef â'u dychmygion eu hun; ac y trawodd pla yn eu mysg hwy.
30 Yna y safodd Phinees, ac a iawn farnodd: a'r pla a ataliwyd.
31 A chyfrifwyd hyn iddo yn gyfiawnder, o genhedlaeth i genhedlaeth byth.
32 Llidiasant ef hefyd wrth ddyfroedd y gynnen; fel y bu ddrwg i Moses o'u plegid hwynt:
33 Oherwydd cythruddo ohonynt ei ysbryd ef, fel y camddywedodd â'i wefusau.
34 Ni ddinistriasant y bobloedd, am y rhai y dywedasai yr Arglwydd wrthynt:
35 Eithr ymgymysgasant â'r cenhedloedd; a dysgasant eu gweithredoedd hwynt: