21 O na foliannent yr Arglwydd am ei ddaioni, a'i ryfeddodau i feibion dynion!
22 Aberthant hefyd aberth moliant; a mynegant ei weithredoedd ef mewn gorfoledd.
23 Y rhai a ddisgynnant mewn llongau i'r môr, gan wneuthur eu gorchwyl mewn dyfroedd mawrion.
24 Hwy a welant weithredoedd yr Arglwydd, a'i ryfeddodau yn y dyfnder.
25 Canys efe a orchymyn, a chyfyd tymhestlwynt, yr hwn a ddyrchafa ei donnau ef.
26 Hwy a esgynnant i'r nefoedd, disgynnant i'r dyfnder: tawdd eu henaid gan flinder.
27 Ymdroant, ac ymsymudant fel meddwyn: a'u holl ddoethineb a ballodd.