17 Dann gnaet yr fuchzg Schlauffnen eyn n Saaum von dyr ainn Döck an n End von n zammgsötztn Trumm anhin und gmacht dös Selbe bei dönn andern zammgsötztn Trumm.
18 Daa dyrfür bog yr fuchzg Kupferhäftln zue, dyrmit yr s Zeltt zo aynn Gantzn zammsötzn kunnt.
19 Schließlich gstöllt yr für s Zeltt non ayn Döck aus rootlete Widerföller und drüber ayn Döck aus Daxlinghäutt her.
20 Für s Templzeltt schnit yr Bröter aus Käznholz zo n Aufstölln.
21 Ayn ieds war fümf Elln lang und ayn dreuviertlte Elln brait.
22 Ayn ieds Bröt wurd durch zween Zäpfen mit n naehstn verbunddn. Yso gmacht yr s mit allsand Lädn von n Templzeltt.
23 Für s Templzeltt gförtigt yr zwainzg Lädn für d Sunderseitt.