2 (Maria hau —gaixo zegoen Lazaroren arreba— Jauna ukenduz igurtzi eta oinak bere ile-adatsez xukatu zizkiona zen).
3 Bi ahizpek Jesusi albistea bidali zioten: «Jauna! Zure adiskidea gaixo dago».
4 Jesusek, hori jakitean, esan zuen: «Eritasun hau ez da heriotzara eramateko, Jainkoaren aintza azaltzeko baizik, beraren bidez Jainkoaren Semearen aintza azal dadin».
5 Marta, honen ahizpa eta Lazaro oso adiskide zituen arren,
6 hau gaixo zegoela jakinda ere, Jesus beste bi egunez gelditu zen zegoen lekuan.
7 Ondoren, esan zien ikasleei:—Goazen berriro Judeara.
8 Ikasleek esan zioten:—Maisu, oraintsu juduek harrika egin nahi zizuten, eta hara zoaz berriro?