9 Hala mintzatu zitzaien Moises israeldarrei, baina hauek ez zioten jaramonik egin, esklabotza astunarengatik etsita baitzeuden.
10 Orduan, Jaunak esan zion Moisesi:
11 —Zoaz Egiptoko errege faraoiagana eta esaiozu israeldarrei joaten uzteko.
12 Baina Moisesek erantzun zion:—Israeldarrek jaramonik egiten ez badidate, nola nahi duzu faraoiak egitea? Hain naiz traketsa hitz egiten!
13 Honela mintzatu zitzaien Jauna Moisesi eta Aaroni, israeldarrak Egiptotik ateratzeko mandatua emanez, eta aginduak eman zizkien israeldarrentzat eta Egiptoko errege faraoiarentzat.
14 Hona hemen israeldarren arbasoen familiaburuak:Israelen lehen-seme Rubenen semeak Henok, Palu, Hetzron eta Karmi izan ziren. Hauek dira Rubenen jatorriko familiak.
15 Simeonen semeak Jemuel, Jamin, Ohad, Jakin, Tzohar eta Saul —emakume kanaandarraren semea— izan ziren. Hauek dira Simeonen jatorriko familiak.