1 Is fearr dea-ainm ná dea-ola agus lá báis ná lá breithe.
2 Is fearr dul go dtí teach an chaointe ná teach na coirme, mar is é an bás is críoch do chách agus is cóir do na beo meabhrú go maith air sin.
3 Is fearr gol ná gaire mar is fearrde an croí gnúis ghruama.
4 Bíonn croí an eagnaí i dteach an chaointe agus croí an amadáin i dteach an tsuilt.
5 Is fearr éisteacht le cáineadh eagnaí ná le hamhrán amadáin.
6 Tá gáire an ghamail cosúil le brioscarnach brosna faoi chorcán; baois is ea é seo chomh maith.
7 Óir déanann ansmacht amadán den eagnaí agus truaillíonn breab an croí.