21 И пришед раб той поведа господину своему сия. Тогда разгневався дому владыка, рече рабу своему: изыди скоро на распутия и стогны града, и нищыя и бедныя и слепыя и хромыя введи семо.
22 И рече раб: господи, бысть якоже повелел еси, и еще место есть.
23 И рече господин к рабу: изыди на пути и халуги, и убеди внити, да наполнится дом мой:
24 глаголю бо вам, яко ни един мужей тех званных вкусит моея вечери: мнози бо суть звани, мало же избранных.
25 Идяху же с ним народи мнози: и обращься рече к ним:
26 аще кто грядет ко мне, и не возненавидит отца своего и матерь, и жену и чад, и братию и сестр, еще же и душу свою, не может мой быти ученик:
27 и иже не носит креста своего и вслед мене грядет, не может мой быти ученик.