15 но ни ирод: послах бо его к нему, и се, ничтоже достойно смерти сотворено есть о нем:
16 наказав убо его отпущу.
17 Нужду же имяше на вся праздники отпущати им единаго.
18 Возопиша же вси народи, глаголюще: возми сего, отпусти же нам варавву.
19 Иже бе за некую крамолу бывшую во граде и убийство ввержен в темницу.
20 Паки же пилат возгласи, хотя отпустити Иисуса.
21 Они же возглашаху, глаголюще: распни, распни его.