1 И по днех шестих поят Иисус петра и иакова и иоанна брата его, и возведе их на гору высоку едины,
2 и преобразися пред ними: и просветися лице его яко солнце, ризы же его быша белы яко свет.
3 И се, явистася им моисей и илиа, с ним глаголюща.
4 Отвещав же петр рече (ко) Иисусови: Господи, добро есть нам зде быти: аще хощеши, сотворим зде три сени, тебе едину, и моисеови едину, и едину илии.
5 Еще (же) ему глаголющу, се, облак светел осени их: и се, глас из облака глаголя: сей есть Сын мой возлюбленный, о немже благоволих: того послушайте.