31 о воскресении же мертвых несте ли чли реченнаго вам Богом, глаголющим:
32 аз есмь Бог авраамов, и Бог исааков, и Бог иаковль? несть Бог Бог мертвых, но (Бог) живых.
33 И слышавше народи дивляхуся о учении его.
34 Фарисее же слышавше, яко посрами саддукеи, собрашася вкупе.
35 И вопроси един от них законоучитель, искушая его и глаголя:
36 учителю, кая заповедь болши (есть) в законе?
37 Иисус же рече ему: возлюбиши Господа Бога твоего всем сердцем твоим, и всею душею твоею, и всею мыслию твоею: