2 ‘Inā fai ane ia i le fānauga a Isaraelu, ‘ia fa‘apea ane:‘Āfai ‘ua tō se fafine, ‘ua fānau mai ai fo‘i se tama tane, ‘ona leaga ai lea o ia i aso e fitu; e tusa ma aso e nofo ‘ese ai i le ma‘i o fafine, e leaga ai o ia.
3 E peritomeina fo‘i le tama i le pa‘u o lona tino i le aso valu.
4 ‘Ona nofo pea ai lea o le fafine i lona taiitama i aso e tolugafulu ma le tolu; ‘aua ne‘i pa‘i atu o ia i se mea pa‘ia, pe ulufale atu i le malumalu se‘ia ‘atoa ona aso e mamā ai.
5 ‘Ae ‘āfai e fānau mai se tama teine, ‘ona leaga ai lea o ia ‘ina se‘ia ‘atoa o vaiasosa e lua, pei o ma‘i o fafine; e nofo fo‘i ia i lona taiitama i aso e onogafulu ma le ono.
6 A ‘atoa fo‘i aso o lona fa‘amamāina ‘ona o se tama tane, po o se tama teine, na te ‘aumaia i le ositaulaga se tama‘i mamoe e tasi lona tausaga, e fai ma taulaga mū ma se tama‘i lupe, po o se manutagi, e fai ma taulaga mo le agasala, i le faitoto‘a o le fale fetāfa‘i o le fa‘apotopotoga.
7 ‘Ona avatu ai lea e ia i luma o le ALI‘I, e fai ai se togiola mo ia, ‘ona mamā ai lea o ia i le puna mai o lona toto. O le tulafono lenā i le ‘ua fānau mai se tama po o se teine.
8 ‘Āfai fo‘i na te lē maua se tama‘i mamoe, ‘ia ‘aumai e ia le uluga manutagi, po o tama‘i lupe e lua fua, o le tasi e fai ma taulaga mū ma le tasi e fai ma taulaga mo le agasala; ‘ona fai ai lea e le ositaulaga le togiola mo ia, ‘ona mamā ai lea o ia.#