1 “Job, mabibingwit mo kaya ang dragon na Leviatan? Matatalian mo kaya ang nguso niya ng lubid?
2 Matatalian mo ba ng lubid ang ilong niya o mailalagay mo kaya ang kawil sa kanyang panga?
3 Kapag nagawa mo iyon, makikiusap kaya siyang lagi sa iyo na pakawalan mo siya, o di kayaʼy magmakaawa siya sa iyo?
4 Makikipagkasundo kaya siya sa iyo na magpapaalipin habang buhay?
5 Magagawa mo kaya siyang parang alagang ibon o maibibigay mo ba siya sa iyong mga anak na babae para kanilang laruin?
6 May negosyante kayang bibili sa kanya at hihiwa-hiwain siya para ipagbili?