26 En op die dag van die eerstelinge, as julle ’n nuwe spysoffer by julle fees van die weke aan die Here bring, moet daar vir julle ’n heilige samekoms wees; géén beroepswerk mag julle doen nie.
27 Dan moet julle ’n brandoffer as lieflike geur aan die Here bring: twee jong bulle, een ram, sewe jaaroud lammers;
28 en hulle spysoffer: fynmeel met olie gemeng, drie-tiendes vir elke bul, twee-tiendes vir die een ram,
29 een-tiende vir elke lam van die sewe lammers;
30 een bokram om vir julle versoening te doen.
31 Behalwe die voortdurende brandoffer en die spysoffer wat daarby behoort, moet julle dit berei — hulle moet vir julle sonder gebrek wees — en hulle drankoffers.