22 Luister na jou vader wat jou verwek het, en verag jou moeder nie as sy oud geword het nie.
23 Koop waarheid en verkoop dit nie, ook wysheid en tug en verstand.
24 Die vader van ’n regverdige juig baie; en as iemand ’n wyse verwek het, dan is hy bly oor hom.
25 Laat jou vader en jou moeder bly wees, en laat sy juig wat jou gebaar het.
26 My seun, gee my jou hart, en laat jou oë ’n welgevalle hê in my weë.
27 Want ’n hoer is ’n diep kuil, en ’n ontugtige vrou is ’n nou put.
28 Sy lê ook en loer soos ’n rower en vermeerder die ontroues onder die mensdom.