18 Betanië was naby Jerusalem, omtrent drie kilometer;
19 en baie van die Jode het na Marta en Maria toe gekom om hulle oor hulle broer te troos.
20 Toe Marta hoor dat Jesus kom, het sy Hom tegemoet gegaan; maar Maria het in die huis bly sit.
21 Marta sê toe vir Jesus: “Here, as U hier was, sou my broer nie gesterwe het nie.
22 Maar selfs nou weet ek dat God U alles sal gee wat U van Hom vra.”
23 Jesus sê toe vir haar: “Jou broer sal uit die dood opstaan.”
24 Maar Marta sê vir Hom: “Ek weet hy sal met die opstanding op die laaste dag uit die dood opstaan.”