33 Toe hulle by die plek kom wat Kopbeen genoem word, het hulle Hom daar saam met die misdadigers gekruisig, die een aan sy regter- en die ander een aan sy linkerkant.
34 Toe sê Jesus: “Vader, vergeef hulle, want hulle weet nie wat hulle doen nie!”Hulle het sy klere verdeel deur te loot.
35 Die volk het daar gestaan en kyk. Hulle raadslede het Hom ook uitgelag en gesê: “Ander het hy gered. Laat hy homself red as hy die Christus is wat deur God uitverkies is.”
36 Ook die soldate het vorentoe gekom en Hom bespot. Hulle het vir Hom suur wyn aangebied
37 en gesê: “As jy die koning van die Jode is, red jouself.”
38 Daar was ook 'n opskrif bokant Hom: “Dit is die koning van die Jode.”
39 Een van die misdadigers wat daar gehang het, het Hom gelaster deur te sê: “Is jy dan nie die Christus nie? Red jouself en ons ook!”