1 My vriende wat saam met my aan Christus behoort, God het vir julle ook gekies, en daarom moet julle onthou dat ons wat glo, sê dat Jesus ons Apostel en Hoëpriester is.
2 Jesus het alles goed gedoen wat God gesê het Hy moet doen, soos Moses ook alles goed gedoen het vir almal wat aan God behoort.
3 Want God het geweet dat Jesus belangriker is as Moses, en so is die een wat ’n huis bou, ook belangriker as die huis wat hy gebou het.
4 Want dit is ’n mens wat ’n huis bou, maar dit is God wat alles gemaak het wat daar is.
5 Dit is waar dat Moses alles goed gedoen het vir almal wat aan God behoort. Moses het alles gedoen soos iemand wat vir ander mense werk. Hy het dit gedoen sodat hy vir hulle kon vertel van al die dinge wat God later vir hulle sal sê.