1 Moses het gesê: “Julle God die Here sal die mense laat sterf en Hy sal hulle land vir julle gee. Julle sal hulle wegjaag en julle sal in hulle stede en huise gaan woon.
2 Dan moet julle drie stede kies om asielstede te wees in die land wat julle God die Here vir julle gee om vir julleself te vat.
3 Julle moet die land in drie dele deel, en daar moet ’n asielstad in elke deel wees, sodat ’n persoon wat iemand anders doodgemaak het, na ’n asielstad kan vlug en maklik daar kan kom.
4 As ’n persoon iemand anders doodgemaak het, maar hy wou dit nie doen nie, iemand wat nie voorheen sy vyand was nie, dan mag hy na een van die asielstede vlug sodat hy kan aanhou lewe.