6 dan het hulle vir hom gesê: “Sê: Sjibbolet.” As hy dan verkeerd praat en sê: “Sibbolet,” dan het hulle hom gegryp en hulle het hom daar by die Jordaan-rivier doodgemaak. Daar het 42 000 Efraim-mense in daardie tyd gesterf.
7 Jefta, die man uit Gilead, was ses jaar lank die leier van die Israeliete, en toe het hy gesterf. Sy mense het hom begrawe in sy stad in Gilead.
8 Ná Jefta was Ibsan die leier van die Israeliete. Hy was ’n man van die stad Betlehem.
9 Hy het 30 seuns en 30 dogters gehad. Hy het sy 30 dogters laat trou met mans wat nie aan sy stam behoort het nie, en hy het sy seuns laat trou met meisies wat nie aan sy stam behoort het nie. Hy was sewe jaar lank die leier van die Israeliete.
10 Ibsan het gesterf, en sy mense het hom begrawe in Betlehem.
11 Ná Ibsan was Elon die leier van die Israeliete. Hy was ’n man van die Sebulon-stam, en hy was tien jaar lank die leier van die Israeliete.
12 Elon het gesterf, en sy mense het hom begrawe in die stad Ajalon in die land Sebulon.