4 Wie lui is, word gou arm.
5 Wie hard werk, het geld vir kos en klere.
6 Wie hard werk, is slim. Wie rondstaan, niks doen en skelm slaap, is ’n verleentheid.
7 Van ’n gelowige kan goeie dinge gesê word. Lank na sy dood word hy nog onthou. Sy woorde leef nog in mense se hart. Slegte mense se woorde is vol haat en geweld. Niemand dink daaroor na nie. Hulle word ook gou vergeet.
8 ’n Gelowige neem die land se wette baie ernstig op. Wie dit verwerp, kom in die moeilikheid.
9 Wie ’n reguit pad loop, is ’n gelukkige mens. Kronkelpaadjies bring jou in groot ellende.
10 Wie skelmpies vir iemand knipoog om verkeerde dinge te doen kan groot moeilikheid veroorsaak. ’n Babbelende kletskous veroorsaak sy eie ondergang.