3 Deur die onverdiende guns wat aan my gegee is, sê ek vir julle almal dat julle nie van julself meer moet dink as wat ’n mens behoort te dink nie, maar dat julle aan julself dink in nederigheid volgens die maat van vertroue wat God aan elkeen uitgedeel het,
4 want net soos ons in een liggaam baie lede het, maar die lede nie almal dieselfde funksie het nie,
5 net so is ons almal saam een liggaam in Die Gesalfde Een, maar elkeen afsonderlik lede van mekaar.
6 Ons het verskillende gawes volgens die onverdiende guns wat aan ons gegee is: daar is dié van profesie, na die maat van sy vertroue;
7 daar is dié van bediening, vir die een in Sy bediening; daar is dié van lering, wie in Sy lering is;
8 daar is dié van ’n vertrooster, wat in Sy vertroosting is; ’n gewer in vrygewigheid; ’n leier met ywerigheid; daar is dié vir een wat omgeedade bewys met blymoedigheid.
9 Laat jou liefde sonder misleiding wees, haat wat boos is en klou aan die goeie;