1 Hoor hierdie, o priesters! Let op, o huis van Yisra’el! Luister, o huis van die koning, want die oordeel is op julle van toepassing omdat julle ’n vangstrik by Mitzpah was en ’n vangnet, wat uitgesprei was oor Tavor.
2 Die opstandiges het diep in boosheid weggeval, maar Ek sal hulle almal tugtig.
3 Ek ken Efrayim en Yisra’el is nie vir My weggesteek nie, want nou het jy gehoereer, o Efrayim, Yisra’el het homself onrein gemaak.
4 Hulle dade sal hulle nie toelaat om na hulle God terug te keer nie, want daar is ’n gees van hoerery in hulle en hulle het nie ’n verbondsverhouding met יהוה nie.