25 want elkeen wat die vet eet van dié vee wat tot יהוה met vuur geoffer word, die persoon wat dit eet, moet van sy volksgenote afgesny word.
26 Julle mag ook géén bloed van voëls of van vee in enige een van julle blyplekke eet nie.Lev 3:17; Lev 17:10-14
27 Enige persoon wat enige bloed eet, dié moet van sy volksgenote afgesny word.’”
28 יהוה het met Moshe gepraat en gesê:
29 “Praat met die seuns van Yisra’el en sê: ‘Hy wat aan יהוה sy vredesoffer bring, moet self aan יהוה die offer uit sy vredesoffer offer.
30 Sy eie hande moet die offers deur vuur tot יהוה offer: die vet met die bors moet hy bring; om die bors as waaioffer voor יהוה te waai.
31 Die priester moet die vet op die altaar in rook laat opgaan, maar die bors sal vir Aharon en sy seuns wees.