6 Is dít nie die vas wat Ek verkies nie: om die bande van boosheid los te maak, die stroppe van die juk af te haal, die onderdruktes te laat vrygaan en elke juk stukkend te breek.Yeg 18:7,16; Mat 25:35
7 Is dit nie om jou brood met hulle wat honger is te deel en die daklose arme in jou huis in te bring nie? Wanneer jy iemand sien wat kaal is, om hom te bedek en nie een van jou eie vlees (‘n mens soos jy) weg te wys nie?Mal 3:20
8 Dan sal jou lig uitbreek soos die sonsopkoms en jou genesing skielik uitspruit en jou onpartydige opregtheid sal voor jou uitgaan; die eer, lof en aanbidding van יהוה sal jou agterhoede wees.
9 Dan sal jy roep en יהוה sal antwoord; jy sal uitroep en Hy sal sê: ‘Hier is Ek!’ As jy die juk, die vingerwys en die bose gepraat uit jou midde verwyder
10 en jou brood gee vir die wat honger is en die geteisterdes se begeertes vervul; dan sal jou lig skyn in duisternis en jou donkerheid sal wees soos die middag.Yog 7:37,38
11 יהוה sal jou voortdurend lei en jou begeerte versadig in geskroeide plekke en krag gee aan jou gebeente en jy sal wees soos ’n natgeleide tuin en soos ’n fontein van water waarvan die water nooit ophou nie.
12 Die vanuit jou sal die ou puinhope herbou; jy sal die eeue oue fondamente oprig en jy sal ‘die herbouer van gebreekte mure’, ‘hersteller van strate om in te bly,’ genoem word.Eks 20:8-11; Eks 31:14; Lev 23:3; Lev 24:8; Dan 7:25; Mat 12:8; Mat 24:20; Hand 13:42; Heb 4:9