12 In die doek was allerhande diere, reptiele en voëls.
13 ’n Stem sê toe vir hom: “Staan op, Petrus! Slag en eet!”
14 “Nooit nie, Here!” het Petrus gesê. “Ek het nog nooit iets wat onrein is, geëet nie.”
15 Toe kom die stem weer: “Wat God rein gemaak het, mag jy nie onrein ag nie.”
16 Dit het drie keer gebeur. Toe is die doek weer in die hemel opgetrek.
17 Petrus was verdwaas. Wat kon die gesig tog beteken? Juis op daardie stadium kry die mans wat deur Kornelius gestuur is, die huis en hulle staan by die voordeur. Hulle was op soek na die huis van Simon
18 en vra toe of Simon met die noemnaam Petrus daar ’n gas is.