15 Johannes getuig oor Hom en roep uit: “Hy is die Een wat ek bedoel het toe ek gesê het: ‘Hy wat ná my kom, het reeds voor my bestaan omdat Hy groter is as ek.’”
16 Uit sy volheid het ons almal ’n oorvloed genade ontvang.
17 Die wet is deur middel van Moses gegee; die genade en waarheid het deur Jesus Christus gekom.
18 Niemand het God nog ooit gesien nie. Sy enigste Seun wat self ook God en baie na aan die Vader is, het Hom aan ons kom bekendmaak.
19 Dit is die getuienis van Johannes toe die Joodse leiers uit Jerusalem priesters en Leviete na hom gestuur het om hom uit te vra: “Wie is jy nou eintlik?”
20 Toe het Johannes getuig en dit nie ontken nie, maar voluit bely: “Ék is nie die Messias nie.”
21 En hulle antwoord hom toe: “Nou wie is jy dan? Is jy Elia?”“Nee, ek is nie,” sê Johannes.“Is jy dan die profeet?”“Beslis nie!” het hy geantwoord.