1 Hierna het daar ’n groot fees van die Jode plaasgevind. Jesus het daarvoor na Jerusalem toe gegaan.
2 By Skaappoort in Jerusalem is daar ’n waterbad wat in Hebreeus Betesda genoem word. Dit het vyf onderdakpilaargange gehad
3 waar daar ’n menigte gestremdes gelê het: blindes, kreupeles en lammes.
5 Onder hulle was daar ’n sekere persoon wat al 38 jaar lank siek was.
6 Jesus het hom daar sien lê en was bewus daarvan dat hy geruime tyd al siek was. Hy vra hom toe: “Wil jy graag gesond word?”