4 In die saaiproses het party van die saad op ’n voetpaadjie geval en die voëls het dit kom oppik.
5 ’n Ander deel het weer op klipperige aarde sonder enige diepte geval. As gevolg van die vlak grond het dit vinnig opgeskiet.
6 Maar toe die son warm begin bak, het dit verlep en omdat dit nie diep wortelgeskiet het nie, het dit toe heeltemal verdroog.
7 Nog ’n deel het tussen die dorings geval. Toe die dorings opkom, het dit die koring verstik.
8 Nog ander saad het op goeie grond geval. Dit het ’n oes voortgebring, party 100 maal, party 60 maal en party 30 maal soveel as wat oorspronklik gesaai is.
9 Elkeen wat kan hoor, moet goed luister na wat Ek sê.”
10 Sy dissipels kom toe na Hom toe en sê: “Waarom gebruik U altyd sulke diepsinnige gelykenisse as U met die mense praat?”