1 In die agtiende regeringsjaar van Jerobeam seun van Nebat het Abia koning van Juda geword.
2 Hy het drie jaar in Jerusalem regeer. Sy ma was Maäka, dogter van Abisalom.
3 Hy het dieselfde sondes gepleeg as sy pa voor hom. Hy het nie die Here sy God met oorgawe gedien soos sy voorsaat Dawid nie.
4 Maar ter wille van Dawid het die Here sy God sy koningshuis in Jerusalem laat voortbestaan deur vir hom ’n seun te gee om ná hom in Jerusalem te regeer en die stad in stand te hou.