9 Daar was niks in die ark nie, behalwe die twee plat klippe wat Moses by Horeb daarin gesit het. Dit was toe die Here tydens die uittog uit Egipte ’n verbond met die Israeliete gemaak het.
10 Toe die priesters uit die heiligdom kom, het ’n wolk die tempel van die Here gevul.
11 Omdat die magtige teenwoordigheid van die Here die tempel gevul het, kon die priesters nie met hulle werk voortgaan nie.
12 Toe het Salomo gebid: “Die Here het gesê Hy wil in digte duisternis woon.
13 Ek het nou vir U ’n glansryke tempel gebou waarin U vir altyd kan woon!”
14 Terwyl die hele vergadering van Israel voor hom gestaan het, het die koning hom na hulle toe gedraai en hulle geseën.
15 Hy het gesê: “Loof die Here, die God van Israel wat met sy mond beloftes gemaak het en met sy hand dit aan my pa, Dawid, vervul het deur te sê: