10 Die Here sê: “Sing en juig, o Jerusalem, want Ek kom tussen julle woon.
11 Baie nasies sal hulle op daardie dag by die Here aansluit en hulle sal ook my volk wees. Ek sal tussen julle woon en julle sal weet dat die Here, die Almagtige, my na julle toe gestuur het.
12 Die land van Juda sal die Here se erfdeel wees in die heilige land en Hy sal Jerusalem weer as sy eie stad kies.
13 Wees stil voor die Here, mensdom, want Hy kom uit sy heilige woning.”