18 Kom ons verlustig ons in liefdeslus,dwarsdeur die nag tot môre-oggend.
19 My man is nie by die huis nie. Hy is weg op ’n lang reis.
20 Hy is weg met ’n beursie vol geld. Eers met volmaan sal hy weer terugkom.”
21 So oorreed sy die jong man met haar mooipraatjies. Sy verlei hom met haar gladde tong.
22 Hy loop dadelik agter haar aan. Hy was soos ’n bees wat na die slagpale gelei word. Hy was soos ’n wildsbok wat in die slagyster trap
23 en ’n pyl kloof sy hart. Hy was soos ’n voël wat blindelings in ’n vangnet vasvlieg. Hy het nie geweet dat sy lewe verby is nie.
24 Luister na my, my seuns. Slaan ag op wat ek sê.