18 Tungod niini nangamatay ang ikatulong bahin sa katawhan pinaagi niining tulo ka mga katalagman: ang kalayo, ang aso, ug ang asupre nga migula gikan sa baba sa mga kabayo.
19 Ang gahom sa maong mga kabayo anaa sa ilang baba ug ikog. Ang ilang ikog may mga ulo sama sa bitin ug mao kini ang ilang gigamit pagsakit sa mga tawo.
20 Ang uban nga wala mangamatay pinaagi sa mga katalagman wala maghinulsol sa ilang daotang binuhatan. Nagpadayon sila pagsimba sa mga demonyo ug mga diosdios nga bulawan, plata, bronsi, bato ug kahoy nga dili makakita, dili makabati ug dili makalakaw.
21 Wala usab nila hinulsoli ang ilang pagkamamumuno, pagkasalamangkiro, pagkamahilawason ug pagkakawatan.