15 Sa maong paagi giluwas niya ang tanan nga naulipon sa tibuok nilang kinabuhi tungod sa ilang kahadlok sa kamatayon.
16 Kay tin-aw nga dili ang mga anghel ang iyang gitabangan kondili ang mga kaliwat ni Abraham.
17 Nagpasabot kini nga kinahanglan mahimo siyang sama sa iyang mga igsoon sa tanang paagi. Sa ingon, mahimo siyang matinumanon ug maluluy-on nga Pangulong Pari sa iyang pag-alagad sa Dios aron mapasaylo ang mga sala sa katawhan.
18 Ug tungod kay nag-antos man siya ug gitintal, makatabang usab siya kanila nga gitintal.