7 Kinahanglang moingon sila, ‘Dili kami maoy nagpatay niining tawhana ug wala kami makakita sa nagpatay kaniya.
8 Busa pasayloa, O Ginoo, ang imong katawhan, ang Israel nga imong gikuha gikan sa Ehipto. Pasayloa kami ug ayaw intawon kami pakasad-a sa kamatayon sa tawong walay sala!’
9 Mao kini ang paagi nga dili kamo silotan tungod sa kamatayon niadtong walay sala kon buhaton ninyo kini sumala sa sugo sa Ginoo.
10 “Kon sa inyong pagsulong itugyan kaninyo sa Ginoo ang inyong mga kaaway ug mahimo ninyo silang mga bihag,
11 unya sa inyong mga binihag may babayeng guwapa nga inyong gikaibgan ug buot pangasaw-on,
12 mahimong dad-on ninyo siya sa inyo ug pakiskisi niya ang iyang ulo ug paputli ang iyang mga kuko
13 ug pahukasa sa iyang bisti sa pagkabinihag. Magpabilin siya didto sa inyo ug magbangotan tungod sa kamatayon sa iyang mga ginikanan sulod sa usa ka bulan. Human niana, mahimo na kamong magpuyo ingon nga magtiayon.