11 Ang mga kabalayan puno sa mga maayong butang nga dili inyong hinagoan, mga atabay nga dili kamoy nagkalot, mga parasan ug kaolibohan nga dili inyong tinanom. Pangaon ug pagpakabusog kamo.
12 Apan ayaw gayod ninyo hikalimti ang Ginoo nga maoy nagkuha kaninyo gikan sa Ehipto diin naulipon kamo.
13 Kahadloki ang Ginoo nga inyong Dios ug siya lamang ang alagari ug panumpa kamo pinaagi sa iyang ngalan.
14 Ayaw ninyo simbaha ang mga diosdios sa ubang mga nasod libot kaninyo
15 kay igihan ang Ginoo nga inyong Dios nga nag-uban kaninyo. Kon himoon ninyo kini, masuko siya kaninyo ug puohon kamo niya.
16 “Ayaw ninyo sulayi ang Ginoo nga inyong Dios sama sa inyong gihimo didto sa Masa.
17 Tumana gayod ninyo ang tanang mga balaod sa Ginoo nga inyong Dios.