4 Ang mga anak ni Midian mao sila si Epa, Eper, Hanoc, Abida ug si Eldaa. Kini silang tanan mga kaliwat ni Ketura.
5 Si Isaac maoy gipasunod ni Abraham sa iyang kabtangan.
6 Apan sa wala pa mamatay si Abraham gihatagan niyag mga gasa ang mga anak niya sa uban niyang mga puyopuyo ug gipaadto niya sila sa silangan aron mahilayo sa iyang anak nga si Isaac.
7 Miabot si Abraham sa edad nga 175.
8 Namatay siya nga tigulang na kaayo ug natipon ngadto sa iyang katawhan.
9 Gilubong siya ni Isaac ug ni Ismael didto sa langub sa Macpela, sa uma ni Efron nga anak ni Zohar nga Hitihanon, sa silangan sa Mamre.
10 Ang maong uma napalit ni Abraham gikan sa mga Hitihanon. Didto gilubong si Abraham sa gilubngan sa iyang asawa nga si Sara.