28 Mibiya na kanako ang usa kanila ug nagtuo ako nga giwataswatas siya sa mga mananap nga ihalas kay wala ko na man siya igkita.
29 Busa kon kining anak nga nahibilin kanako karon inyong dad-on ug may daotan nga mahitabo kaniya, mamatay gayod ako sa kaguol kay tigulang na man ako.’”
30-31 Mipadayon si Juda, “Busa kon dili mahikuyog kanako ang bata inigbalik ko sa akong amahan, mamatay gayod siya kay gimahal man niya pag-ayo kining bataa. Kami unya ang makahatag sa among amahan ug kaguol nga makapatay kaniya kay tigulang na man siya.
32 Gigarantiya ko sa akong amahan ang akong kinabuhi alang niining bataa. Giingnan ko siya nga kon ugaling dili ko madala pagbalik ang bata, akoy responsable kaniya sa tibuok kong kinabuhi.
33 Busa, sir, akoy himoang ulipon puli sa bata. Papaulia intawon siya uban sa iyang mga igsoon.
34 Dili ako makahimo pagpauli sa akong amahan kon dili ko madala ang bata. Dili ko makahimo pagsud-ong sa daotan nga mahitabo unya sa akong amahan.”