27-28 Gidala sa mga sakop sa banay ni Dan ang mga butang nga binuhat ni Miqueas ug ang iyang pari. Unya mipadayon sila ug gisulong nila ang Lais nga usa ka lungsod nga malinawon diha sa Patag sa Betrehob. Gipatay nila ang mga nagpuyo niini ug gisunog nila ang siyudad. Walay nakatabang kanila tungod kay ang maong lungsod layo man sa Sidon ug wala silay pakigsandurot sa ubang katawhan. Unya gitukod pag-usab sa banay ni Dan ang maong siyudad ug didto sila namuyo.