43 Gilibotan sa mga Israelita ang ilang mga kaaway ug wala lung-i paggukod hangtod sa sidlakang dapit sa Gibeah ug gipamatay nila sila.
44 Mga 18,000 ka labing maayong mga sundalo sa Benjamin ang nangamatay.
45 Ang uban miikyas ug nanagan paingon sa kamingawan ngadto sa mga pangpang nga bato sa Rimon. Mga lima ka libo kanila ang napatay diha sa kadalanan. Gigukod sa mga Israelita ang uban ngadto sa Gidom ug nakapatay pa gayod silag 2,000 ka tawo.
46 Ang tanan nga napatay sa Israel sa mga sakop sa banay ni Benjamin mikabat ug mga 25,000 ka maisog nga mga sundalo.
47 Apan may 600 nga nakaikyas ngadto sa kamingawan sa Bato sa Rimon ug nagpabilin didto sulod sa upat ka bulan.
48 Unya namalik ang mga Israelita ug gisulong ang nahibiling mga sakop sa banay ni Benjamin ug gipamatay silang tanan—lakip ang mga mananap. Gipangsunog nila ang tanang lungsod niadtong dapita.