1 Ayaw kasina sa daotang mga tawo ug ayaw tinguhaa ang pagpakig-uban kanila.
2 Ang ilang gihunahuna mao lamang ang paghimog kasamok ug ang ilang isulti pulos lamang binuang.
3 Pinaagi sa kaalam, gitukod ang panimalay ug ang maayong panabot mao ang patukoranan niini.
4 Pinaagi sa kahibalo, ang mga lawak gisangkapan sa mahalon ug matahom nga mga butang.
5 Ang pagkamaalamon mas maayo pa kay sa pagkakusgan; ang kahibalo mas importante kay sa kusog.
6 Kinahanglan nga ayohon nimo ang paglaraw sa dili ka pa makig-away ug pinaagi sa daghang tambag, magmadaugon ka.
7 Ang maalamong panultihon lisod kaayong matugkad sa hungog. Wala siyay ikasulti kon hisgotan ang mga mahinungdanong butang.