10 Ang buotang asawa mas bililhon pa kay sa mga alahas apan pagkalisod nga pangitaon!
11 Kasaligan siya sa iyang bana ug magmauswagon gayod ang iyang bana.
12 Dili gayod siya mobuhat sa bisan unsa nga makadaot sa iyang bana.
13 Kugihan siya nga mohabol ug delana ug lino.
14 Gikan sa lagyong dapit, magdala siyag mga pagkaon sama sa mga barko nga gikan sa biyahe.
15 Kaadlawon pa gani mobangon na siya aron paghikay sa pagkaon alang sa iyang banay ug aron pagpahibalo sa iyang mga sulugoon sa angay nilang buhaton.
16 Kon may yutang ibaligya, paliton kini niya sa salapi nga iyang kinitaan ug tamnag paras.